الخميس، يونيو 18، 2009

الاحتواء - عندما يكون طفلا

امبارح – الأربعاء – حصل موقف رائع جدا جدا . . . لطيف أوي.
كنت في دورة من دورات شركة خيالي لإعلام الطفل.
كان فيه طفل صغنون "يوسف" عنده سنة و نص نايم ولازم حد يشيله , شيلت النونو الصغنون وخدته في حضني , لف ايده حولين رقبتي ونيم راسه الحلوة الصغنونة على كتفي.
يا ا ا ا ه
شعور خرافي جدا رائع بشدة مذهل بقوة . . . خدته في حضني جامد . . . لفيت دراعي حوليه . . . حسيت بيه كأنه جوايا . . . كان دافي , حسيت بيه كأنه بيدوب جوايا وهنبقى فرد واحد . . . كنت مستمتع جدا جدا جدا لأقصى درجة ممكن تخيلها.

افتكرت حبيبة . . . بنتي الصغنونة الحلوة لما هاخدها "إن شاء الله" ونتفسح وفي اخر اليوم تكون تعبت فتنام في حضن بابا وتاخد راحتها ما هو سرير خصوصي لحد ما نروح واحطها في السرير الحلو بتاعها.
آ آ آ ه ياني

عشرين دقيقة فاتو عليا واقفين على المحور مستنين عربية وهو في حضني , كانت أروع عشرين دقيقة ممكن تخيلها . . . الاحتواء كما يجب أن يكون , حاجة جميلة جدا جدا جدا أوي خالص وبشدة.

خير خير خير
محدش عارف الخير فين
كان معكم منتشيا
فتوح ابو المفاتيح – محور 26 يوليو - محضونا

هناك 5 تعليقات:

  1. والله يا أستاذ فتوح أنا مش فاهم البوست أوى بس اللى فهمته حبك للأطفال والأطفال أزاهير الرياض وطاقة الغد ولى عده مقالات سأنشرها لاحقا بعنوان خواطر على طريق قصير سأتناول فيها الطفل فى مراحله الأولى من الطفولة حتى الولادة ودمت بخير وسعادة

    ومبارك عليك الخطوبة أنا اول مرة أدخل المدونة وعقبال البكارى إن شاء الله

    ردحذف
  2. ياااااااااااااااه يا محمد ,

    فكرتني بالشعور الجميل ده أيام ما ابن خالتي الصغير كان عندنا ,
    كنت بحب أحضنه قوي و أنام جنبه ,

    ربنا يرزقك بالذرية الصالحة إن شاء الله , و يتم عليك بخير إن شاء الله

    ردحذف
  3. سيدي
    Egy boy
    هو المقالة بسيطة جدا
    وصفت فيها مشاعري لما كنت شايل طفل صغير و نايم على كتفي
    وقد ايش اني كنت مبسوط , و تخيلت موقف مستقبلي
    إن شاء الله مع ابنتي الصغيرة حبيبة
    :))
    بس

    ويارب يوفقك في مدونتك و في المقالات التي تنتوي إنزالها بإذن اللله
    :)
    دمت سالما
    ولربك ذاكرا

    ردحذف
  4. صديقي الغالي
    تيمي بيه
    كيف حالك و اااحشني جدا
    عساك تكون بخير و بصحة طيبة

    شعور رائع
    وانت جربته مع ابن خالتك
    حاجة حلوة جدا
    وقول يارب
    إن شاء الله يرزقنا جميعا الذرية الصالحة
    :))

    ردحذف

وخلي بالك من كلامك
حبيبي النبي بيقول:
"إن الرجل ليتكلم بالكلمة من رضوان الله ما كان يظن أن تبلغ ما بلغت ؛ يكتب الله له بها رضوانه إلى يوم يلقاه وإن الرجل ليتكلم بالكلمة من سخط الله كان يظن أن تبلغ ما بلغت ؛ يكتب الله له بها سخطه إلى يوم يلقاه".

إضغط على:
الاشتراك عن طريق البريد الإلكتروني
ليصلك بريد الكتروني عند قيام احد بالتعليق
وشكر

توضيح صغنووون خااالص


اقرأ و قول رأيك بحرية – عمري ما هزعل منك