الاثنين، مارس 10، 2008

مقتل طفلة مصرية برصاصة اسرائيلية في رأسها على الأرض المصرية


سماح نايف طفلة صغيرة ، كانت تلعب أمام منزلها في مدينة كرم أبو مصلح المصرية ، الأسرة كانت متجمعة أمام المنزل ، الاطفال كانوا يلهوون امامهم .
فجأة
انطلقت رصاصة من برج مراقبة اسرائيلي ، لتستقر في رأس الصغيرة .
ماتت الطفلة . . .
البرج يبعد 700 متر هو عرض الشريط الحدودي .
سقطت جثة هامدة
امام أمها وابوها واخواتها و صديقاتها .

. . . . . . . . . . . . . . . . . . . . . . . . . . . . . . . . . . . . . . . . . . . . .

آ آ آ آ آ آ ه
خبر جديد . . .
من ضمن أخبار وطننا المهان .
قرأته صدفة على مدونة زميل في العذاب (الأستاذ)
الخبر الأساسي موجود على موقع رويترز

. . . . . . . . . . . . . . . . . . . . . . . . . . . . . . . . . . . . . . . . . . . . .

مش عارف أقول ايه .
اساساً انا مش قادر أتخيل مشاعر أم وأب البنوتة الصغيرة .
بنتك تموت قدامك .
لأ . . . ومش أي موتة .
كانت بتلعب وتجري .
وفجأة .
تقع على الأرض مبتتحركش .
بابا قام يشوف مالها .
ممكن تكون اتكعبلت في حاجة !
يهزها . . .
البت مبتتحركش !!!
ايه ده ؟؟
دا في دم جاي من وشها .
لأحسن تكون اتعورت لما وقعت .
ماما قامت جري تشوف ايه اللي حصل .
ليه بابا اتأخر هناك كدا .
المشهد . . . .
بابا موطي على سماح وبيعيط
واخدها في حضنه وبيعيط
الدم مغرقه .
بابا ماسك سماح جامد في حضنه .
مش عارف ينطق بأي كلمة .
ماما وقعت على الأرض مغمى عليها .
العيلة اتلمت حواليهم يعرفوا اللي حصل .
ماما مرمية على الأرض .
بابا ماسك سماح في حضنه وبيعيط .
لأ
دا مش عياط
دا عويل
دا نحيب
كمن يخرج روحه مع كل قطره من دمعه
آ آ آ ه
بابا مش عاوز يسيب سماح
بالعافية عرفوا ياخدوها من حضنه .
بقا عامل زي العيل الصغير
عمال يعيط
واقف في نفس مكان سقوطها
وعمال يعيط

. . . . . . . . . . . . . . . . . . . . . . . . . . . . . . . . . . . . . . . . . . . . .

ماتت سماح .
بل استشهدت سماح .
ذهب معها آخر برقع من على وجه العرب .
لم تكن تقذفهم بالحجارة .
لم تكن تفعل شيئاً .
لم تكن تهتف . . . فلسقط الاحتلال ، فلتسقط اسرائيل ، ارجعوا لنا أرضنا .
ذنبها . . .
لعب مع اترابها أمام امنزلها وسط أهلها على أرضها في حمى بني وطنها .
ذنبها . . .
في رقبة حاكمنا
محمد بيه حسني مبارك
هناك من يقول "هو الراجل هيبص على ايه ولا ايه"
عمر ابن الخطاب رضي الله عنه وارضاه
قال "والله لو عثرت بغلة في الشام لحاسب عليها رب عمر عمر"
بغلة
مش زي ما بيقول سي جمال مبارك في آخر لقاء لي معه
"الريس بتاعنا بيتمتع بضبط النفس – فيها ايه لما يموت واحد أو اتنين على الحدود بتاعتنا ؟ - دي محاولات من اسرائيل للإستفزاز – يعني عاوزين نرجع لحالة الحرب قبل 73 ؟؟ - يعني نضحي بالشعب كله عشان خاطر اتنين أو تلاتة اسرائيل قتلتهم عشان تستفزنا – انتم لازم تحمدوا ربنا إن ربنا بعتلنا ريس زي مبارك"
خلاص . . .
بقوا بيسموا انعدام الكرامة
وانعدام النخوة و الرجولة
ضبط نفس
ياخي . . . "كلمة محذوفة من النص" . . . (كلمة وضيعة لا ينطق بها سوى السفلة من الناس , ولكن لها مرادف صوتي اسكندراني يقال عند الخضة) .
أقل وأصغر رد . . .

أكلت يوم أكل الثور الأبيض .

آ آ آ ه

اللهم إننا مظلومون فأنتصر
. . . . . . . . . . . . . . . . . . . . . . . . . . . . . . . . . . . . . . . . . . . . .

أنا دماغي خلاااااص
توقفت عن التفكير
مش عارف ايه الحل
ايه الحل ؟؟؟
محدش عارف ايه الحل ؟؟
الدنيا حوالينا بقت زبالة


- اسرائيل بتضرب في اخواتي الفلسطينين
وبتضرب في اخواتي المصريين
بتقتلهم
بدون سبب . . . لأ فيه سبب . . . وسببهم هما عارفينه وحافظينه وراضعينه نقطة نقطة وحرف حرف .


- حسني واخواته بيضربوا فينا .
لا عارفين ناكل
ولا عارفين نعيش
ولا عارفين نتعالج
و لا عارفين نسكن


ايه الحل ؟؟؟
أزعم
أنني جربت حاجات كتير لعل يكون فيها الحل
لم أجد فيهم الحل
مش لاقي حاجة مقنعة
مش لاقي حاجة تبرد النار اللي قايدة في صدري
شعاري الفترة الجاية
لن أصالح
لن أصالح
لن أصالح (شكرا لمن اهدانيه)
ياااااااااااارب
اللهم إننا مظلومون فأنتصر
اللهم إننا مظلومون فانتصر
اللهم إننا مظلومون فانتصر

كان معكم باكيا على سماح
فتوح أبو المفاتيح – تائها كطفل صغير

هناك 17 تعليقًا:

  1. حسبيا الله و نعم الوكيل
    حسبيا الله و نعم الوكيل
    حسبيا الله و نعم الوكيل
    حسبيا الله و نعم الوكيل
    حسبيا الله و نعم الوكيل

    مفيش كلام ممكن يعبر عن اللى جوايا

    اللهم انصرناوانتقم منهم
    اللهم انصرناوانتقم منهم
    اللهم انصرناوانتقم منهم

    ردحذف
  2. سكر نبات
    عندك حق
    احنا دلوقت مش في موضع كلام
    المفروض نعمل حاجة
    لأن مفيش أي كبمة ممكن تعبر عن اللي جوانا كلنا
    حسبنا الله ونعم الوكيل

    ردحذف
  3. صح بدل مانعد نعيط ونولول
    نشتغل نتقى ربنا فى شغلنا
    خدنا ايه من اكتابنا وعياطنا غير تضيع وقتنا ومعاها كرامتنا
    عهد يارب وختو بينى وبينك انى هاشتغل من هنا ورايح واتقى ربنا فى شغلى عشان خاطر تنصرنى بنيتى
    يارب انصرنا وفوقنا ياااااااارب

    ردحذف
  4. ايه يا جماعة اللى بيحصلنا ده تفسيره ايه ربنا ينتقم من كل ظالم احنا صح زى ما بتقولى يا مدونة نتقى ربنا فى كل حاجة مش شغلنا بس سلطان ربنا اكبر من اى سلطان وربنا قادر بقوته وعظمته انه ينصرنا اللهم انصرنا على كل ظالم هما سلطانهم رغم ده كله ضعيف وهايزول ربنا يصبرنا حديث قدسى عن ربنا سبحانه وتعالى "فيما معناه" يابن آدم : لا تخف من ذى سلطان مادام سلطاني وملكي لا يزول ربنا هاينصرنا بس احنا نتقى ربنا وندعى انه ينصرنا اللهم اااااااااااامين
    بس مفكرناش يا جماعة فى حكمة ربنا من كده من المؤكد ربنا هاينصرنا وهاينصر الاسلام لكن الحمكة من اللى بيحصل ده ايه مش يمكن يكون انذار من ربنا عشان نفوق او ابتلاء الله اعلم .
    وفى كل الحالات نصبر اى كان ابتلاء او غيره فكل ابتلاء مع الصبر ينقلب عطاءً، فإن الله لا يبتلي ليعذب إنما يبتلي ليهذب. نصبر وندعى ربنا ينصرنا اااااامين

    أستغفر الله العظيم التواب الرحيم لذنبي وللمسلمين وللمسلمات وللمؤمنين وللمؤمنات الأحياء منهم والاموات إلى يوم الدين. معلش طولت عليكم بس الواحد جواه كتيييييير حسبنا الله ونعم الوكيل

    ردحذف
  5. اللهم إننا مظلومون فأنتصر
    اللهم إننا مظلومون فانتصر
    اللهم إننا مظلومون فانتصر

    لا حول ولاقوة

    الا بالله العلى العظيم

    ردحذف
  6. الشبراقاصى10 مارس 2008 1:37 م

    قال تعالى " ان الله لايغير ما بقوم حتى يغيروا ما بأنفسهم " والله بالله لن يصلح امر هذه الامه الابما صلح عليه اولها امة ضيعت صلاة الفجر واحلت المعاملات الربويه واحلت الغناء والمعازف وسب نبيها على مرئا ومسمع من مسئوليها وقادتها و.... و....و..... الخ اذا الخلاص هو ارجوع الى كتاب ربنا وسنة نبينا ليس بفهمى ولا بفهمك ولكن بفهم سلف الامه الاطهار الابرار الذين هم خير من فهم مراد الله ومراد رسول الله صلى الله عليه وسلم .......اذا فالنصر يبدأ من عندنا والعقوبة تنزل بذنوبنا (اللهم لا تجعلنا سببا فى تاخير نصرك ولا تأخذنا بما فعل السفهاء منا واصلح شباب المسلمين وبنات المسلمين واعد اليهن حيائهن وحسبنا الله ونعم الوكيل وصلى اللهم على سيدنا محمد واله الطيبين وجزاكم الله خيرا

    ردحذف
  7. لم ينحصر الموضوع فقط عن هذا الخبر الذي يخبرك بكل سذاجة أن طفلة ماتت بلا أي ذنب ولا عزاء للأطفال
    وكأنها أقصوصة من حكاوي ما قبل النوم
    فكانت رصاصة ما قبل الموت هي ما أسكتت ضحكات تلك الطفلة وهي تلعب
    تعلب
    فقط كانت تلعب
    أما من يعلب الآن ولاشئ لديه يبكي عليه وتافهٌ لا يثأر لما حدث ويحدث
    فأرجو الله أن يزرقه رصاص طائش بعدد ما سب دينه أو أهله عند سبابه لغيره أو استهزأ بمن لا يعرف قدرهم وغُيب عقله

    ردحذف
  8. للاسف الانسان المصري ارخص انسان في نظر حكومته ،يمكن كمان ارخص من الفلسطيني في نظر اسرائيل،احنا مش لازم نستنى لما الحكومة تاخدلنا حقنا لاننا عارفين ان ده عصر الفساد وبلادنا بيحكمها الفساد،فلازم نتحرك بنفسنا لازم نزود وعينا السياسي ونزود علمنا ناخد من اعدائنا علمهم ونعرفهم كويس عشان نقدر عليهم ،انا املي كبير في ربنا وفي جيلنا ده ،انا حاسسه ان التغيير هيبدأ مننا احنا بس المهم فعلا نتقي الله في اعمالنا ونبدأبتغيير نفسنا عشان لما ندعي ربنا ينصرنا يستجيب،ولازم يا جماعة نمحي كلمة السلبية من قاموسنا(احنا الشباب اولا) ولما ننجح في تغيير نفسنا اكيد هنقدر نلغي الكلمة دي من قاموس الامة العربية.

    ردحذف
  9. يا ريت يا محمد تبعت لي الخبر الأصلي اللي على رويترز , الرابط بتاعه يعني
    عاوزه ضروري بجد لو ينفع , .... علشان أحطه في عين .......

    اوك يا هندسه ؟
    لو عرفت يعني

    ردحذف
  10. ازيك يا محمد
    رغم ان الخبر قديم ولكنه مهم جدا
    فالنظام الرسمى المصرى والأقلام المتصيهنة والتى تتكلم بإسم هذا النظام لم تنقطع فى الأيام الماضية عن ترديد الأكاذيب التى تقول أن حماس خطر على الأمن القومى وأن حماس خطر وأن حماس وحماس وحماس ..........
    ولم يتجرأ أى كلب فيهم عن ذكر هذا الموضوع أو مجرد ادراجه كخبر بسيط ضمن الاخبار الأخرى .
    بالنسبة لمصدر الخب فهو نشر أيضا على الجزيرة .

    ردحذف
  11. أنا تعبت من اللى بيحصل
    حسبنا الله و نعم الوكيل

    ردحذف
  12. طيب أنا أقول إيه دلوقتي ؟؟
    أنا اعمل إيه؟؟
    أنا زهقت خلاص
    زهقت بجد
    زهقت من كل حاجة
    زهقت من الظلم دة
    زهقت من الغفلة دي
    زهقت من القرف اللي احنا فيه كل يوم
    حرام بجد الأطفال
    دول أطفال؟؟
    دول إخواتي ومن بلدي
    حراااااام بجد أنا مش عارفة أقول إيه

    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل

    الحمد لله علي كل شئ
    الحمد لله علي كل شئ
    الحمد لله علي كل شئ

    ردحذف
  13. اروح مدونة خبيب الاقى صور اطفال شهدا
    اجى هنا الاقى صور اطفال شهدا
    اروح فين تانى
    اللهم انا مظلومون فانتصر
    فانتصر
    فانتصر

    ردحذف
  14. ماذا نحتاج لنفيق مالذي يمكن أن يفيقنا من الغيبوبه اكثر من موت طفلة بريئة واقفة علي أرض وطنها اللهم أرحمها وارحم أموات المسلمين واحيائهم ماذا بعد فلسطين والعراق وأفاغنسان ولبنان ماذا بعد ماذا بعد ضياع النخوة والمروءة يالا الضياع يالا الحسرةياحزن من جاهد من أجل ان يعيش العرب قديما ضاعت الكرامه ياربي حسبي أنت أرحمنا يارب أذن بيوم الساعة لتنتهي المعاناه لينتهي الذل والهوان والفقر والضياع أو احلفك بحبي لرسولك أنت توقظناوان تريحنا ممن أهدر كرامتنا ممن لا أعرف كيف سيقف أمامك ليحاسب ياربي أسغيث بك فلم تعد النفس تحتمل

    ردحذف
  15. السلام عليكم ورحمة الله وبركاته
    اخى الكريم اعزكم الله
    مع كل الاحترام والتقدير لكل ما تشعرونمن حزن واسى ولكن.......
    الحل يا اخى الكريم موجود فى كتاب الله عز وجل وهو القاعدة الذهبية لتغير ما تريد تغيرة
    وهو قوله عز وجل ,أعوذ بالله من الشيطان الرجيم"إن الله لا يغير ما بقوم حتى يغيروا ما بأنفسهم" وايضا لن يمكن الله لك الدين والعزة الا بعد ان تحقق ما يلى ,أعوذ بالله من الشيطان الرجيم"وعد الله الذين امنوا منكم وعملوا الصالحات ليستخلفنهم فى الارض كما استخلف الذين من قبلهم و ليمكنن لهم دينهم الذى ارتضى لهم وليبدلنهم من بعد خوفهم امناً يعبدوننى لا يشركون بى شيئاً ومن كفر بعد ذلك .."الاية
    هل لاحظت اخى الكريم الشروط الاربعة التى شرطها الله عز وجل كى يستخلف الصالحين فى الارض و يمكن للدين ويبدل الخوف بأمنان الله اشترط
    1-الايمان
    2-العمل الصالح
    3-تحقيق البادة
    4-عدم الشرك
    والتغيير اخى الفاضل لابد وان يكون على مستوى الامة.
    هذا والله اعلم وجزاكم الله خيرا
    واخيرا اسال الله العظيم ان يهدى المسلمين ويرشدهم الى اتباع الكتاب الحكيم واتباع سنة سيد النبيين والعالمين نبينا محمد صلى الله عليه وآله وسلم.وان ينتقم من كل كافر وملحد ومنافق يريد السلام بشر او يؤذى المسلمين وان يسلط عليهم من الاوباء ما لا يدرون له شفاء وان يسلط عليهم انفسهم ويجعل فى تدبيرهم تدميرا لهم.
    اللهم امين .
    والسلام عليكم ورحمة الله وبركاته

    ردحذف
  16. حسبنا الله ونعم الوكيل

    ردحذف
  17. ربنا يصبر اهلها

    ردحذف

وخلي بالك من كلامك
حبيبي النبي بيقول:
"إن الرجل ليتكلم بالكلمة من رضوان الله ما كان يظن أن تبلغ ما بلغت ؛ يكتب الله له بها رضوانه إلى يوم يلقاه وإن الرجل ليتكلم بالكلمة من سخط الله كان يظن أن تبلغ ما بلغت ؛ يكتب الله له بها سخطه إلى يوم يلقاه".

إضغط على:
الاشتراك عن طريق البريد الإلكتروني
ليصلك بريد الكتروني عند قيام احد بالتعليق
وشكر

توضيح صغنووون خااالص


اقرأ و قول رأيك بحرية – عمري ما هزعل منك