ياااا جــــــــاهـل

"يا جاهل" زي ما قال حليم "كلمه بقالها أيام وليالي تدوب فيا" , هوا كان باعتها وأنا كنت واخدها في دماغي .

بس ايه هوا التعريف كلمة جاهل ؟؟؟؟

جاهل . . . هو عدم المعرفة الكلية أو الجزئية لشئ ما , بس عندنا في مصر بنقول جاهل على أي حد بدون معرفة ما الذي لا يعلمه كليا أو جزئيا .

على فكرة الجهل في الأول والآخر مسألة نسبية "إشمعنا اينشتين بتاع الزمن".

أنا جاهل وانتم جهلة واللي معدي على المقالة بتاعتي و مقرهاش برضه جاهل .

مفيش حد فينا يعرف التركيب الجزيئي لل DNA بتاع الذبابة المنزلية "House Fly" إذن فهو جاهل .

انتم مش تعرفوا اسم جدتي . . . يبقا انتم جهلة . . . أنا مش أعرف اسامي اللي معايا في السكشن يبقا أنا جاهل .

شوفتم معايا إن الجهل في الأول و الآخر مسألة نسبية . . . بس في جامعتنا العريقة و كليتنا الشديدة و . . . . . كفاية كده .

الجهل مسألة كلية , يبقا انت حمار و مش بتفهم و إياك إنك تجرؤ إنك تفكر إنك تقول حاجة . . . إزاي واحد جاهل زيك بيعرف يتكلم أساساً المفروض انك لسه بيتعلم " أ ب ". . . وهلم جرا مما لذ وطاب من الصفات و النعوت لأشياء مثل هذا . . .

صدق أو لا تصدق .

بس فيه نقطة . . . سعات بيكون عندهم حق , الراجل فهمك غلط , يبقا عليك الحق , انت السبب و الحق عليك , بتوع علم نفس السلوك بيقولوا :

"أي خطأ في فهم محادثة بين فردين يكون مرسل الرسالة هو المخطأ دائما " عشان هوا معرفش ايه هو الأسلوب الأمثل للتعامل مع الفرد اللي قدامه .

يعني تلاعبه – تهشكه . . . و هلم جرا .

انت معرفتش تقرأ الدكتور اللي قدامك يبقا انت اللي غلطان وجاهل وستين جاهل "نسبيا" انك مبتعرفش مهارات اتصال .

طبعا الحق عليك يا وحِش يا ديناصور يا عنقاء يا دراكولا

كان معكم غارقا ً في بحور الجهل

فتوح أبو المفاتيح

من أمام كلية الهندسة – جامعة هوت تشيكن - برمااا

تحذييير هااام

ابتعد عن التفكير في المحاضرات

بحذرك . . . آخر تحذير , بعد كده انا مش مسؤول عن اللي ممكن يحصلك .

إياك ثم إياك ثم إياك و انت قاعد في محاضرة و مستمتع (أشك) انك تحاول تفكر في اللي بيقوله الدكتور . . . اكتب وراه من غير تفكير .

طب اسئلني ليه . . . ؟

سألتني . . . أقولك .

طبعاً أكيد بدون شك كلنا بنعرف نفكر و إلا مكناش دخلنا هندسة .

هتفكر يبقا هتعصر دماغك .

هتعصر دماغك يبقا هتنزل عصير .

العصير هيروح فين . . ؟ أكيد مش هيطلع من شعرك .

العصير هيفضل جواك . . . يمشي في الدم و ياخد جولة ظريفة في الجسم .

و آخر سكته هيروح للكلى .

تقوم الكلى بوظيفتها المعتادة و تستخلص العصير من الدم و يروح على المثانة .

و كل ما كانت المحاضرة صعبة كل ما كان انتاجك من عصير المخ أكثر . . . و المثانة تمتليء .

و المحاضرة طويلة . . . طويلة ,

و فجأة . . . تحصل المصيبة .

أنا عايز أروح الحمام .

لازم أروح الحمام .

هيحصل انفجارات و فيضانات و الناس تتغرق (يع) .

و تحرج نفسك يا معلم و تطلع تجري من المحاضرة .

هذا في حالة إن الدكتور وافق انك تطلع من المحاضرة و بعد كده ياخدك غياب (خياانة) .

طب ليه ياعمنا الإحراج ده من الأول بلاش تفكر مش بس في المحاضرة , بلاش تفكر في أي حاجة خالص , واقعد زي بلاص العسل (بلاش المش) و ابتسم للحياة .

واياك تحاول تفكر في اللي بيقوله الدكتور أو النهضة العلمية و تقدم بلدك (التي هي مانيلا) أو التعديلات الدستورية في مانيلا برضه

كان معكم قبيل المحاااضرة :

فتوح أبو المفاتيح – مصنع بامبرز – مدرج 3

غير تكتيكاتك المعتادة عندما تسير الامور عكس ما تريد!

نعل الملك

- يحكى أن ملكا كان يحكم دولة واسعة جدا، اراد هذا الملك يوما القيام برحلة برية طويلة، وخلال عودته وجد ان اقدامه قد تورمت بسبب المشي في الطرق الوعره، فاصدر مرسوماَ يقضي بتغطية كل شوارع المملكة بالجلد ولكن احد مستشاريه اشار عليه برأي افضل وهو عمل قطعة جلد صغيرة تحت قدمي الملك فقط. فكانت هذه بداية نعل الأحذية.

- اذا أردت أن تعيش سعيدا في العالم فلا تحاول تغيير كل العالم بل اعمل التغيير في نفسك . ومن ثم حاول تغيير العالم ما استطعت.

الاعلان والأعمى

- جلس رجل أعمى على إحدى عتبات عمارة واضعا قبعته بين قدميه وبجانبه لوحة مكتوب عليها:" أنا أعمى أرجوكم ساعدوني "، فمر رجل إعلانات بالأعمى ووقف ليرى أن قبعته لا تحوي سوى قروش قليلة فوضع المزيد فيها، ودون أن يستأذن الأعمى أخذ لوحته وكتب عليها عبارة أخرى وأعادها مكانها ومضى في طريقه، لاحظ الأعمىأن قبعته قد امتلأت بالقروش والأوراق النقدية، فعرف أن شيئا قد تغير وأدرك أن ما سمعه من الكتابة هو ذلك التغيير فسأل أحد المارة عما هو مكتوب عليها فكانت الآتي:" نحن في فصل الربيع لكنني لا أستطيع رؤية جماله" .

- غير وسائلك عندما لا تسير الأمور كما يجب .

حكاية النسر

- يُحكى أن نسراً كان يعيش في إحدى الجبال ويضع عشه على قمة إحدى الأشجار، وكان عش النسر يحتوي على 4 بيضات، ثم حدث أن هز زلزال عنيف الأرض فسقطت بيضة من عش النسر وتدحرجت إلى أن استقرت في قن للدجاج، وظنت الدجاجات بأن عليها أن تحمي وتعتني ببيضة النسر هذه، وتطوعت دجاجة كبيرة في السن للعناية بالبيضة إلى أن تفقس، وفي أحد الأيام فقست البيضة وخرج منها نسر صغير جميل، ولكن هذا النسر بدأ يتربى على أنه دجاجة، وأصبح يعرف أنه ليس إلا دجاجة، وفي أحد الأيام وفيما كان يلعب في ساحة قن الدجاج شاهد مجموعة من النسور تحلق عالياً في السماء، تمنى هذا النسر لو يستطيع التحليق عالياً مثل هؤلاء النسور لكنه قوبل بضحكات الاستهزاء من الدجاج قائلين له: ما أنت سوى دجاجة ولن تستطيع التحليق عالياً مثل النسور، وبعدها توقف النسر عن حلم التحليق في الأعاليً، وآلمه اليأس ولم يلبث أن مات بعد أن عاش حياة طويلة مثل الدجاج.

- أنك إن ركنت إلى واقعك السلبي تصبح أسيراً وفقاً لما تؤمن به، فإذا كنت نسراً وتحلم لكي تحلق عالياً في سماء النجاح، فتابع أحلامك ولا تستمع لكلمات الدجاج (الخاذلين لطموحك ممن حولك!) .

حيث أن القدرة والطاقة على تحقيق ذلك متواجدتين لديك بعد مشيئة الله سبحانه وتعالى .

واعلم بأن نظرتك الشخصية لذاتك وطموحك هما اللذان يحددان نجاحك من فشلك !

لذا فأسع أن تصقل نفسك، وأن ترفع من احترامك ونظرتك لذاتك فهي السبيل لنجاحك، ورافق من يقوي عزيمتك .

غير تكتيكاتك المعتادة عندما تسير الامور عكس ما تريد! قال تعالى: " إن الله لا يغير ما بقوم حتى يغيروا ما بأنفسه "

قرأها لكم واقفاً على حيله

فتوح أبو المفاتيح

أمام محطة مترو رمسيس - عند بتاع الكفتة

جت الحزينة تفرح

أي واحد فينا ممكن مرة يفكر . . . . أعتقد دي حاجة واردة

ممكن في مرة من مرات تفكيره القليلة و النادرة إن هو فكر في فكرة حلوة جدا جدا

ممكن في مرة من المرات اللي جاتله فيها فكرة حلوة جدا جدا انه فكر انه يقرر انه يحاول ينفذها .

وساعتها . . . . . .

يا ويله و يا سواد ليله من اللي هيقابله . . . ومن اللي هيشوفه . . .

عاااااووووو . . . .

_____________________________________________

يه حاجة بيسموها الإنحياز السلبي أو (الأفكار المسبقة)

يعني : واحد قبلك جرب حاجة معينة بس هوا كان حمار وذلك نتيجة التنفيذ الجزئي أو التنفيذ الذي يعيقه الجهل , يعني هوا عمل الحاجة (حتة منها) أو مش كان يعرف يعملها صح و نتيجة لكده هوا فشل فشل ذريع و مروع فيها فييجي اللي كان مشرف عليه فيها يقول :

الحاجة دي غلط . . . مفروض مش حد يقرب منها . . . لو حد جربها مرة تاني هينتهي للفشل انتم بهايم.

فده يعني إن :

الأساليب و الأدوات و الأعمال التي تستعمل بصورة خاطئة و لو لمرة واحدة تفقد فعاليتها و تسمم الآخرين ضدها – وربما إلى الأبد .

_____________________________________________

ليه صدعت دماغكوا باللي فات ؟؟؟

صاحبنا اللي فات اللي فكر انه يقرر انه ينفذ فكرته

أكيد لازم يروح لأصحاب القرار . . . عشان الموضوع مش سايب . .

هية سايبة ولا ايه . . .

اصحاب القرار طبعا ولابد ولازما ً يكون عندهم خبرة . . .

والخبرة دي هتيجي منين ؟؟؟؟ أكيد من الحواديت و حكاوي القهاوي و الأفلام و المسلسلات و اللذي منه , وشوية قصص في الجرايد لناس معقدة و كلاكيع الدنيا ملياها خلصت خناقات مع بعضيها مش لاقيين غير الجرايد يشتموا بعض فيها .

و على هذا يا مسكين ، هيطلع ليك مليون و مئتين حجة

طبعا بعبطك المعهود هتفتكر إنها حجج منطقية

وهتحاول تفكر فيها (يالا ماهي بقت هيصة كل شوية تفكر) و تلاقي ليها حلول منطقية وترجع تاني لصاحب القرار ، اللي انت كل اللي عاوزه منه الموافقة و يا عيني على الموافقة .

و يطلع ليك شوية عقبات كده إنما ايه لوووز .

و ترجع تحلها بحلول شديدة العبقرية و شديدة الابداع .

و ترجعله تاني و تقدم و تعرض و تصرف فلوس (ما هو كله في سبيل الفكرة) و تحيا مصر حرة مستقلة .

و ميبقاش ليه أي حجة فيقولك :

بص يا ابني أنا اساسا ً مش موافق على الفكرة أو مبدأ انك تنفذ الفكرة دي من أصله .

يعني يا طعم كتك نيلة و يا ريتك ما فكرت في الموضوع من أصله .

وعظيمة يا مصر يا أرض الفراعنة و الهرم الرابع . . أبو رامي . .

قدمها لكم محمرة بسباخ ال. . . . :

فتوح أبو المفاتيح

من تحت الكارلو – ترعة قحافة

مانيلا . . . مانيلا . . . مااانيلااااا

مدينة عادية جدا زي أي مدينة .

موجودة في بلد عادي جداً زي أي بلد (زي أي بلد)

الفساد فيها ينتشر و يتوغل ويبيد و يستمر و يستمر

(ريد قاتل الحشرات الطائرة و الزاحفة و السائرة على قدميها في الشارع)

و نتيجة للي فات . . . حصل اللي حصل و اللي انتم شايفينه

ناس عايشة حياتها و بتاكل و بتشرب و بتركب عربيات و تلبس هدوم من سيتي ستارز بالشئ الفلاني و يقضوا الويك ايند في ماريانو أما السمر (Summer) فعلى شواطئ الريفيرا بفرنسا (أصلها قريبة – فردة كعب)

وكمان عملوا فيها أماكن ميدخلهاش غير كل واحد مانيلي أو اجنبي معاه ملايين و راكب عربية آخر موديل أما لو راكب عربية "128" فلا دخول و لا اقتراب و لا تشم ريحتها

خير خير . . . محدش عارف الخير فين

كان معكم محسورا ً

فتوح أبو المفاتيح

من على ابواب مدينة مانيلا المعز – جنب أكرة الباب

حَبيبة

حاجة تفوق الوصف

خارج حدود الخيال

بنوتة صغنونه

هي كل دنيتي

روح قلبي و نور عنيا

شئ رائع ينتسب لي أنا

وحدي أنا

كل حاجة ليها أنا

أمنيتي الوحيدة

هصورها مليون صورة

ملكة حياتي

صاحبة الجلالة

هحط صورتها في كل حته

في المحفظة , على المكتب , على الحيطة , في الدرج , في كل كتاب

و جوه قلبي

هنسافر الدنيا

نلفها حته حته

هتتكلم كل اللغات

هربيها وأعلمها و نلعب ونجري

هتطلع نابغة وتاخد نوبل

أروع بنات عصرها

أحلى بنات الدنيا

روح قلبي أنا

نور عيني أنا

حبيبتي أنا

أِبنَتي أنا

حَبيبة