الثلاثاء، نوفمبر 24، 2009

دمار شامل


أنا حالتي بقت صعبة اوي , من السهل جدا اني اشعر بالسوء ناحية نفسي , بقا من البسيط اني اللوم نفسي على حاجات كتير , احرق دمي وازعل و ابقا مش عارف افكر.

بقت حاسس اني وحش واني مش بعرف اعمل حاجة , حاسس اني دلدول مليش رأي وبمشي ورا اي حاجة , بقا بسهولة جدا اقدر احس ان الدنيا سودة , وبسرعة احس ان الدنيا حلوة و زي الفل.

مش عارف الاقي مصدر تفاؤل استمد منه حاجة.

مش عارف . . . سواد في سواد في سواد

واحد امبارح متخانق معايا عشان عاوز ياكل كتير , و أنا مليش دعوا اساسا بالأكل , قاعد بلوم نفسي عشان هو عمل كدا.

اووووف

اعوذ بالله من الشيطان الرجيم

يارب اهدي الجميع

انا ضغطي وطي , دماغي مصدعة وحالتي صعبة

ادعولي

خير . . . محدش عارف الخيرفين

سلااام

كان معكم – وحش اوي

فتوح ابو المفاتيح – قاعد في مكتبه لوحده و محبط

هناك 7 تعليقات:

  1. دي حاجة كويسة جدا ومعناها انك انسان رقيق الحس والمشاعر

    ردحذف
  2. غير معرف
    شوفت صورة البنت اللي بتعيط دي
    انا حالتي عامله زيها
    بعيط و مكتئب لحاجة مش عارفها
    هو شعور سيئ جدا وخلاص
    انا كان عندي قدر لطيف من التفاؤل مش عارف راح فين
    بس دا مش معناه اني بشعر باليأس
    مفيش حاجة تستدعي اني اشعر باليأس
    بس انا مش عارف
    هو حاجة وحشة وخلاص
    خير خير خير محدش عارف الخير فين
    جزاك الله خير يا غير معرف
    كان نفسي اتكلم و اقول اي حاجة
    مرسيه
    سلام عليكم

    ردحذف
  3. ما تزعلش لما تلاقي قدامك ناس مش كويسة اللي يزعل او يبسط بجد تصرف الواحد اهم حاجة ان الواحد يكون بيعمل هو الصح وده مصدر السعادة الحقيقية جوة الواحد انه يكون بيحس انه بيعمل الصح حتى لو كل الناس اللي حواليه بتعمل الغلط فبيحس انه متميز حاجة حلوة خالص لانه ما مشيش في طريقهم وفضل مع ربنا مع خالص دعواتي ليك بالسعادة في الدنيا والاخرة

    ردحذف
  4. خير إن شاء الله مود غلس و يعدي
    ربنا يكرمك و يوفقك :)

    ردحذف
  5. غير معرف رقم اتنين
    انا مش فاهم ردك كويس
    بس هو أكيد حاجة كويسة
    :)
    بس الفكرة ان الواحد يلاقي الدعم النفسي
    ودي حاجة مش متوفرة معايا خالص
    ولا حتى واحد صاحبي اتكلم معاه وانحكي وكدا يعني
    خير خير خير
    محدش عارف الخير فين
    اشكرك بشدة للمشاركة
    :)

    ردحذف
  6. المًدَوِنة الصغيرة شروق
    هو صحيح حالة مش كويسة و إن شاء الله هتعدي
    بس هتعدي ببطأ و هتاخد وقت
    مفيش حد يخفف عن الواحد حاجة زي دي
    الواحد عامل زي لعبة
    Alone in the Dark
    خير خير خير
    رعب بينط عليه من كل حتة
    انا شديد الاعجاب بالصورة اللي حاططها
    شايف انها مبدعة موضحة لكثير من علامات الاسى و الحزن واكثرهم الضياع
    خير خير خير
    محدش عارف الخير فين

    ردحذف
  7. كويس ان حضرتك عارف تقول اللى جواك اصلا
    انا بقيت لا ارى لا اسمع لا اتكلم وزد عليهم كمان لا أحس

    ردحذف

وخلي بالك من كلامك
حبيبي النبي بيقول:
"إن الرجل ليتكلم بالكلمة من رضوان الله ما كان يظن أن تبلغ ما بلغت ؛ يكتب الله له بها رضوانه إلى يوم يلقاه وإن الرجل ليتكلم بالكلمة من سخط الله كان يظن أن تبلغ ما بلغت ؛ يكتب الله له بها سخطه إلى يوم يلقاه".

إضغط على:
الاشتراك عن طريق البريد الإلكتروني
ليصلك بريد الكتروني عند قيام احد بالتعليق
وشكر

توضيح صغنووون خااالص


اقرأ و قول رأيك بحرية – عمري ما هزعل منك