هو صحيح الحب أعمى ؟؟؟

هو صحيح الحب أعمى ؟؟؟

انا من رأيي لأ

هو مش أعمى

هو عبيط وبريالة كمان
وبيتضحك عليه وبياخد على قفاه

الله أعلم مش عارف
بس دا رأي العبد لله

يعني عندكم مثلا سين اعرفه


وقع في الفخ دا قبل كدا
المهم إن الموضوع جه كده

مسار الموضوع حتى انتهائه يدل على إن الحب عبيط
وليس اعمى

العبط بيجي إن الواحد بيكون حاطط شوية اعتبارات في يافوخه كتييييييير
يجي بقه سي حب يخلي الواحد بريالة و بيجري وراه

المهم إن الموضوع خلص وربنا نجاه منه
الله أعلم
يمكن فيه حكمة من وراه

بس اللي بيحصل دلوقت

إن سي سين دا لم يعتبر من هذه المرة وبدأ من جديد بيفكر
الحمد لله
سين لسه في أول مراحل الريالة
مش عارف
بيكلم نفسه وبيقول اعقل ياواد يا سين

و فتوح يقوله اعقل يا واد يا سين
لسه بدري ياواد يا سين
انت وراك خطط ومشاريع لخمس سنين قدام يا سين
انت مش بتاع الكلام ده يا سين
يقوم سين يسمع الكام و يقول حاضر

خمس دقائق بالضبط وتلاقيه ريل من تاني
وفاتح بقه
مش قلتلكم إن الحب عبيط وبريالة
خير خير
محدش عارف الخير فين
يمكن سين عنده حق
ويمكن لأ
الله أعلم
بس كله خييييييييير
و أؤكد و أعيدها مرة ثانية
محدش عارف الخير فين
صح ولا ايه

قريت حدوتة صغيرة عن عمنا الحب و انه بقا اعمى إزاي
بس بأكرر انه عبيط وبريالة مش أعمى
المهم خير
ها هي الحدوتة


في قديـــم الزمان

حيث لم يكن على الأرض بشر بعد كانت الفضائل والرذائل.. تطوف العالم معا
وتشعر بالملل الشديد
ذات يوم... وكحل لمشكلة الملل المستعصية
اقترح الابداع لعبة.. وأسماها الأستغماية.. أو الغميمة
أحب الجميع الفكرة
وصرخ الجنون: أريد أن أبدأ.. أريد أن أبدأ
أنا من سيغمض عينيه
...ويبدأ العدّ
وأنتم عليكم مباشرة الأختفاء
ثم أنه اتكأ بمرفقيه..على شجرة
وبدأ... واحد... اثنين.... ثلاثة
وبدأت الفضائل والرذائل بالأختباء
وجدت الرقة مكانا لنفسها فوق القمر
وأخفت الخيانة نفسها في كومة زبالة
وذهب الولع واختبأ... بين الغيوم
ومضى الشوق الى باطن الأرض
الكذب قال بصوت عال: سأخفي نفسي تحت الحجارة.. ثم توجه لقعر البحيرة
واستمر الجنون: تسعة وسبعون... ثمانون.... واحد وثمانون
خلال ذلك أتمت كل الفضائل والرذائل تخفيها
,,,,*ماعدا الحب,,,,*
كعادته.. لم يكن صاحب قرار
وبالتالي لم يقرر أين يختفي
وهذا غير مفاجيء لأحد... فنحن نعلم كم هو صعب اخفاء الحب
تابع الجنون: خمسة وتسعون....... سبعة وتسعون
وعندما وصل الجنون في تعداده الى: مائة
قفز الحب وسط أجمة من الورد.. واختفى بداخلها
فتح الجنون عينيه.. وبدأ البحث صائحا": أنا آت اليكم.... أنا آت اليكم
كان الكسل أول من أنكشف...لأنه لم يبذل أي جهد في إخفاء نفسه
ثم ظهرت الرقّة المختفية في القمر
وبعدها.. خرج الكذب من قاع البحيرة مقطوع النفس
واشار على الشوق ان يرجع من باطن الأرض
وجدهم الجنون جميعا
واحدا بعد الآخر
ماعدا الحب
كاد يصاب بالأحباط والبأس.. في بحثه عن الحب
الى ان اقترب منه الحسد
وهمس في أذنه: الحب مختف في شجيرة الورد
التقط الجنون شوكة خشبية أشبه بالرمح.. وبدأ في طعن شجيرة الورد بشكل طائش
ليخرج منها الحب .ولم يتوقف الا عندما سمع صوت بكاء يمزق القلوب
ظهر الحب
وهو يحجب عينيه بيديه
والدم يقطر من بين أصابعه
صاح الجنون نادما": يا الهي ماذا فعلت؟
ماذا أفعل كي أصلح غلطتي بعد أن أفقدتك البصر ؟
أجابه الحب: لن تستطيع إعادة النظر لي
لكن لازال هناك ماتستطيع فعله لأجلي
كن دليلي
وهذا ماحصل من يومها
يمضي الحب الأعمى
يقوده الجنون

اعتقد إنها حدوتة حلوة خالص
المهم

هسيب معاكم سؤال حلو و ظريف ؟

هو الحب أعمى
ولا أهبل وعبيط وبريالة ؟

كان معكم - ماسكاً العصاية
فتوح أبو المفاتيح - ناوي يضرب سين