الأحد، يوليو 29، 2007

ياااا جــــــــاهـل

"يا جاهل" زي ما قال حليم "كلمه بقالها أيام وليالي تدوب فيا" , هوا كان باعتها وأنا كنت واخدها في دماغي .

بس ايه هوا التعريف كلمة جاهل ؟؟؟؟

جاهل . . . هو عدم المعرفة الكلية أو الجزئية لشئ ما , بس عندنا في مصر بنقول جاهل على أي حد بدون معرفة ما الذي لا يعلمه كليا أو جزئيا .

على فكرة الجهل في الأول والآخر مسألة نسبية "إشمعنا اينشتين بتاع الزمن".

أنا جاهل وانتم جهلة واللي معدي على المقالة بتاعتي و مقرهاش برضه جاهل .

مفيش حد فينا يعرف التركيب الجزيئي لل DNA بتاع الذبابة المنزلية "House Fly" إذن فهو جاهل .

انتم مش تعرفوا اسم جدتي . . . يبقا انتم جهلة . . . أنا مش أعرف اسامي اللي معايا في السكشن يبقا أنا جاهل .

شوفتم معايا إن الجهل في الأول و الآخر مسألة نسبية . . . بس في جامعتنا العريقة و كليتنا الشديدة و . . . . . كفاية كده .

الجهل مسألة كلية , يبقا انت حمار و مش بتفهم و إياك إنك تجرؤ إنك تفكر إنك تقول حاجة . . . إزاي واحد جاهل زيك بيعرف يتكلم أساساً المفروض انك لسه بيتعلم " أ ب ". . . وهلم جرا مما لذ وطاب من الصفات و النعوت لأشياء مثل هذا . . .

صدق أو لا تصدق .

بس فيه نقطة . . . سعات بيكون عندهم حق , الراجل فهمك غلط , يبقا عليك الحق , انت السبب و الحق عليك , بتوع علم نفس السلوك بيقولوا :

"أي خطأ في فهم محادثة بين فردين يكون مرسل الرسالة هو المخطأ دائما " عشان هوا معرفش ايه هو الأسلوب الأمثل للتعامل مع الفرد اللي قدامه .

يعني تلاعبه – تهشكه . . . و هلم جرا .

انت معرفتش تقرأ الدكتور اللي قدامك يبقا انت اللي غلطان وجاهل وستين جاهل "نسبيا" انك مبتعرفش مهارات اتصال .

طبعا الحق عليك يا وحِش يا ديناصور يا عنقاء يا دراكولا

كان معكم غارقا ً في بحور الجهل

فتوح أبو المفاتيح

من أمام كلية الهندسة – جامعة هوت تشيكن - برمااا

هناك 4 تعليقات:

  1. السلام عليكم
    طبعا كان مهم وضروري جدا مدونة تحمل إسم sega
    تجميع رائع ,, إلى الأمام دائما يابشمهندس
    لكن أستحلفك بالله عاوزين حاجة باللغة العربية الفصحى
    وجزاكم الله خيرا

    ردحذف
  2. http://www.powerofyouthforpeace.org/Ar/

    موقع رائع
    خلي بالك منه

    مؤمن

    ردحذف
  3. أماني
    ومن غيرك بيقولي أعمل فصحي
    بس بتيجي في الآخر
    وبيعجبك العامية
    المدونة بقا اسمها
    الحب هو الاحتواااء
    وجزاكي الله خيراً

    ردحذف
  4. مؤمن بيه
    ألف شكر على الموقع الرائع
    وهخلي باله منه

    ردحذف

وخلي بالك من كلامك
حبيبي النبي بيقول:
"إن الرجل ليتكلم بالكلمة من رضوان الله ما كان يظن أن تبلغ ما بلغت ؛ يكتب الله له بها رضوانه إلى يوم يلقاه وإن الرجل ليتكلم بالكلمة من سخط الله كان يظن أن تبلغ ما بلغت ؛ يكتب الله له بها سخطه إلى يوم يلقاه".

إضغط على:
الاشتراك عن طريق البريد الإلكتروني
ليصلك بريد الكتروني عند قيام احد بالتعليق
وشكر

توضيح صغنووون خااالص


اقرأ و قول رأيك بحرية – عمري ما هزعل منك