الأحد، يوليو 29، 2007

تحذييير هااام

ابتعد عن التفكير في المحاضرات

بحذرك . . . آخر تحذير , بعد كده انا مش مسؤول عن اللي ممكن يحصلك .

إياك ثم إياك ثم إياك و انت قاعد في محاضرة و مستمتع (أشك) انك تحاول تفكر في اللي بيقوله الدكتور . . . اكتب وراه من غير تفكير .

طب اسئلني ليه . . . ؟

سألتني . . . أقولك .

طبعاً أكيد بدون شك كلنا بنعرف نفكر و إلا مكناش دخلنا هندسة .

هتفكر يبقا هتعصر دماغك .

هتعصر دماغك يبقا هتنزل عصير .

العصير هيروح فين . . ؟ أكيد مش هيطلع من شعرك .

العصير هيفضل جواك . . . يمشي في الدم و ياخد جولة ظريفة في الجسم .

و آخر سكته هيروح للكلى .

تقوم الكلى بوظيفتها المعتادة و تستخلص العصير من الدم و يروح على المثانة .

و كل ما كانت المحاضرة صعبة كل ما كان انتاجك من عصير المخ أكثر . . . و المثانة تمتليء .

و المحاضرة طويلة . . . طويلة ,

و فجأة . . . تحصل المصيبة .

أنا عايز أروح الحمام .

لازم أروح الحمام .

هيحصل انفجارات و فيضانات و الناس تتغرق (يع) .

و تحرج نفسك يا معلم و تطلع تجري من المحاضرة .

هذا في حالة إن الدكتور وافق انك تطلع من المحاضرة و بعد كده ياخدك غياب (خياانة) .

طب ليه ياعمنا الإحراج ده من الأول بلاش تفكر مش بس في المحاضرة , بلاش تفكر في أي حاجة خالص , واقعد زي بلاص العسل (بلاش المش) و ابتسم للحياة .

واياك تحاول تفكر في اللي بيقوله الدكتور أو النهضة العلمية و تقدم بلدك (التي هي مانيلا) أو التعديلات الدستورية في مانيلا برضه

كان معكم قبيل المحاااضرة :

فتوح أبو المفاتيح – مصنع بامبرز – مدرج 3

هناك 5 تعليقات:

  1. طيب يابو المفاتيح ما حلها أسهل من كده بمراحل بدل ما تقعد من غير تفكير وما تفكرش في حاجه خالص زي ما انته بتقول وبالتالي ما تبديش برأيك وتبقي شخص سلبي (بالرغم من أن الدستور يعطيك كامل الحق في التعبير عن رأيك )
    ................................... أنته تخش المحاضرة وانته معاك كوز تطلع فيه العصير

    ردحذف
  2. عادي يا محمد
    اقعد و ركز و اعصر زي ما انت عاوز , بامبرز دلوقتي بيمتص البلل :)

    ردحذف
  3. راااااااااااااااااااااااائعه انت بجد مش معقول

    ردحذف
  4. هههه
    حلوة أوي موضوع الكوز دا
    وننادي بكوز لكل مواطن
    وتحط الكوز فوق راسك لحد ما تحتاجه
    و أطلع بالكوز مليان وفضيه فوق أقرب دكتور
    وربنا يوفقنا

    ردحذف
  5. بنوتة مصرية
    ألف شكر ليكي للمرة التانية
    أما عن الامعقولية
    فدي حاجة معتادة
    لأني بعتبر نفسي
    مجنوووووووووووووووووون

    ردحذف

وخلي بالك من كلامك
حبيبي النبي بيقول:
"إن الرجل ليتكلم بالكلمة من رضوان الله ما كان يظن أن تبلغ ما بلغت ؛ يكتب الله له بها رضوانه إلى يوم يلقاه وإن الرجل ليتكلم بالكلمة من سخط الله كان يظن أن تبلغ ما بلغت ؛ يكتب الله له بها سخطه إلى يوم يلقاه".

إضغط على:
الاشتراك عن طريق البريد الإلكتروني
ليصلك بريد الكتروني عند قيام احد بالتعليق
وشكر

توضيح صغنووون خااالص


اقرأ و قول رأيك بحرية – عمري ما هزعل منك