وتنفذ دموعنا ولن يبقى منها شئ

بعيط بشكل كبير – مش قادر – طفل اقل ما يقال عنه انه طفل مذهل – ميت – خلاص الموضوع فوق ما احتمله , أو أنا مش محتمله اساسا .

الأول كنت متجاهل , أو لنقل بفكر من بعيد للي بيحصل في غزة , لسان حالي بيقول واحنا هنقدر نعمل ايه , حكامنا . . . . . (والله ما لاقي شتيمة تقدر توصفهم) , منعوا عنا كل حاجة ,مفيش وسيلة مقنعة ممكن نعملها مفيش حاجة في ايدينا , وعلى هذا قررت المضي قدما في خططي المطولة و قلت مش مهم الاقي اثر دلوقت بس اكيد هيجي جيل تظهر عليه نتايج خطتي المطولة .

النهاردة وللمرة الأولى منذ الاعتدائات اشاهد التلفاز(قناة الجزيرة – جزاهم الله خيراً) نقلت لينا تقرير من مستشفى الشفاء من قطاع غزة .

بدأت اعيط من أول مشهد شوفته . . . مقدرش ابطل.

أطفال صغيرين – في سن ابتدائي – جرحى – مصابين – مبتوري الأطراف – فاقدين الحواس (السمع و البصر)

تخيلوا . . .أو ليه تخيلوا , روحوا مستشفى الشفاء وهتشوفوه هناك , دا إن مكانش مات , طفل صغير (3 ابتدائي) فجأة لقى نفسه رجليه مقطوعة واعمى ومش فاهم حاجة ولا قادر يحس بحاجة .

فقد طعم الحياة , مش قادر , خلاص فقد معنى طفولته , كل حاجة راحت.

طفل اتولد في مخيم , كل الايام زي بعضها.

مفيش غير صوت رصاصة طايشة ممكن تيجي في دماغه وتموته بس هو فلت منها , أو صاروخ ينفجر بعيد

مش كفاية التشريد المتعمد

لأ

الصاروخ يقع فوق راسه

يقتله – يجرحه – يعميه .

ارهابي اثيم

افقده وسيله احتجاجة الوحيدة ضد الظلم

البكاء . . . مش هيعرف يعيط

حتى لما حاول يعدي ويهرب من الصاروخ (اسلحة محرمة دوليا).

ضربناه . . . قتلناه بإيدينا . . . منعنا عنه كل حاجة

آ آ آ آ يا اخويا

آ آ آ آ يا اختي

حانق أنا . . . غاضب أنا . . . متألم قلبي يتمزق على أطفالي الجرحى

آ آ آ آ ه

مش عارف. . . مش حاسس . . . مش فاهم

الله اعلم . . . الله اعلم .

لا إله إلا الله

اللهم إنا مظلومون فأنتصر

فتوح ابو المفاتيح - فاقدا الوعي