أي نعم . . . خدنا بكرا الخميس إجازة . . . أصل سي الريس أوباما جاي بكرا بإذن واحد احد أصله راح يزور جامعة القاهرة و يزور الاهرامات و يركب الجمل ويتصور عليهايه بقا سبب الأجازة ؟؟؟ أصل أنا بعيد عنكم من سكان وعاملي منطقة الجيزة . . .و لأن اوباما ناوي يلف الجيزة , فقد تم غلق المنطقة تمام . . . من الأخر اتقفلت.
المهمجاني خاطر عجيب . . . من شوية و أنا عمال ابحلق في السقف . . . سمعت صوت مخيف.
أوباما باعت تقريبا 3000 راجل من رجالة الأمن بتوعه عشان يأمنوا القاهرة ويظبطوا السكة , دا غير انه جاي بنفسه و معاه الحاشية الكبيرة خالص خالص بتاعته
وهلم جرا . . . صح ولا ايه ؟؟؟
المشكل بقا فين
مش ممكن و إذ ربما حد فيهم جاي ولاقط انفولنزا خنازير . . . طيور . . . تماسيح . . . أو عنده بلهارسيا مزمنة و يجي هنا و ميديش ضهره للترعة.
أو يكون بعد الشر . . . بعد الشر . . . أوباما نفسه عنده انفلونزا خنازير . . . ولما يجي يبوس الريس حبيبنا اوي اوي وحرمه يلقطوا من الانفلونزا ويتعبوا و ميلاقوش دوا . . . ويموتوا ويفيصوا ؛) بعد الشر طبعا
دا شئ ممكن أكيد يحصل بصفتهم ناس جاية من دولة فيها الوباء الوحش دا
السؤال الخطير اوي اوي اللي بيطرح نفسه بغلاسة
يا ترى يا هل ترى الناس دي كلها هيدخلوها الحجر الصحي في المطار ؟ ؟ ؟و بعد كدا يكشفوا عليهم و لما يطلعوا صاغ سليم يفرجوا عنهم ؟؟؟ و يا هل ترى عندنا حجر صحي يستوعب الناس الكتيرة اوي دي كلها ؟؟
ولا إحنا هنطلع بلد نامي من بلدان العالم الثالث و الحياة عندنا ماشية بالبركة و دائما نتعامل بالخيار و الفاقوس ؟؟؟
إمممم . . . سؤال صعب جدا خالص وايد . . . أنتم شو رأيكم ؟ ؟ ؟
كان معكم - مبسوط خالص بالأجازة
فتوح ابو المفاتيح - جنب الراجل اللي عطس
مبروك على الاجازة طنطا نورت
ردحذفحجر صحي
ردحذفبتهزر
بتهرج
ده اوباما هو اللي يدخل عُـمال المطار وواحد واحد هيسلم عليه الحجر الصحي ده ويكشف عليه علشان يتأكد انه سليم قبل ما يعدي من جنبه او يسلم عليه
مش هو اللي يدخل هو ورجالته
دي حتى تبقى عيبة ف حقنا يعني
تؤ..... الله
فتوووووووووح
عايزة اسألك سؤال كدة معلش
انت قولتلي في ردك عليا من كام بوست كدة
انك مدرب اطفال
صح؟؟؟
مدرب ايه بالظبط بقى
علشان انا عندي حلم من زمان كدة ليه علاقة بكورال اطفال وحركات من دي
انت بقى مدرب اطفال بتاع ايه يعني
وفين وكدة
miro el niro kwaniro
صباحك سكر يا فتوح
ردحذفانت بتقول حجر وكمان صحى
توء تو ء توء مش ينفع الكلاك دا يا بنى
دا الحاج اوباما بن عمك الحاج باراك
عاوزة يدخل حجر صحى
مدد يا اوباما مدد
ههههههههههههههههههههه
بس بجد والله انا بحترم فى الراجل دا ذكائه الشديد و ثقافته اللى بيحاول بيهم يغير وجهة نظر العالم كله لامريكا واعتقد انه ماشى فى الطريق الصح
بس ياترى هيكون مجرد كلام ووعود وخلاص
الايام هتورينا ايه ممكن يحصل
تحياتى
يويو
لأنسة كراكيب
ردحذفالفكرة إني خايف على الريس بتاعنا من المرض
كنت هفرح اوي فيه بس يلا حصل خير
هو من ناحية يكشف علينا فدا شئ ربما يكون اكيد من ناحية توافر العديد من الأمراض المتوطنة و المتدخلة في حاجات كتير اوي في حياتنا نحن المصرين
لأننا كما يقال
المصريين أهما كحة و عيا و مفيش ذمة
يلا حصل خير
اوباما جه و غادر و راح ألمانيا صاغ سليم
بس ممكن نشك إن الريس حصل ليه حاجة لأنه ما حضرالندوة اللي اعطاها الاستاذ اوباما
وكان مكشر طول اليوم
أما عن تدريب الأطفال
فإنني اعد و ادرب الأطفال على مجموعة من المهارات المختلفة
انسة يويو
ردحذفالاستاذ اوباما نعترف له بالذكاء الشديد
حيث استغل القاهرة و جامعتها بأن يرسي و يحدد 3 نقاط مهمة
اولا : ستستمر الحرب الامريكية على افغانستان
ثانيا : اسرائيل صديقة و لازم نخلي بالنا منها
ثالثا : الفلسطينين ارهابين و لازم يبطلوا
خير خير خير
محدش عارف الخير فين