الأربعاء، فبراير 13، 2008

Back to school


الحمد لله بدء الترم التاني على خير . . . ولسه لحد دلوقت مخدناش أي حاجة , ولا حتى في أسناننا .

الترم ده (بإذن الله) آخر ترم ليا في حياتي كطالب (Under Graduate) (مؤقتاً حتى الآن) , و حيث أني قضيت الترم اللي فات بزرميط و في تكاسل كطة تخطو خطوات بخطوات وئيدة نحو حاجة هي مش عارفاها .

لذا فإني أضع هضا الجدول , و أبتكر هذا السيستم , حتى أحاول السير عليه و الالتزام به إن شاء المولى عز وجل , بس قبل ما نبدأ نقر مجموعة مبادئ (أنا اليومين دول بحب أفكر في المبادئ كتييير) :

1- العقل السليم في الجسم السليم .

2- الصراحة مع النفس لا غنى عنها .

3- لا أتذكره بس كان فيه مبدأ ثالث .

جدولي اليومي بإذن الله هيكون كالتالي :

- الاستيقاظ باكر في الساعة السادسة صباحاً .

- صلاة الصبح .

- تمارين الصباح 5 ضغط ، 5 بطن ، 10 نط الحبل .

- توضيب أدواتي حتى يجهز الفطار (أنا اللي بعمله) و ارتداء ملابسي .

- الإفطار أمام التلفاز مشاهداً الاخبار على قناة الجزيرة .

- مغادرة البيت في تمام الساعة السابعة والنصف .

- ركوب ميكروباص من الجملة حتى المعرض .

- الهرولة من المعرض حتى الكلية (فوائد المشي الرياضي)

- تقضية اليوم في الكلية – محاضرات ، سكاشن , مشروع و هلم جرا .

- أروح للبيت و اتغدا غدا خفيف .

- أنام لمدة تتراوح بين ساعة إلى ساعة ونصف .

- الاستيقاظ ثم المذاكرة حتى العاشرة مساءاً .

- ساعة نت ترفيه من العاشرة مساءاً حتى الحادية عشرة إلا ربع .

- الذهاب لجيم من الساعة الحادية عشرة حتى الساعة الثانية عشرة .

- النوم من الساعة الثانية عشرة حتى الساعة السادسة (12 : 6) .

وكل عامن وانتم بخير

اعتقد انه جدول ظريف ، ويارب يوفقني و اقدر انفذه .


عشان كده انا ليا طلب من كل أصدقائي و أحبائي و زملائي ، انهم يساعدوني على تنفيذ هذا الجدول , وأن يحثوني عليه , وألا يرتكبوا أي فعل أو تصرف قد يبعدني عنه أو يجعلني أحيد عن التصرف وفقاً لما هو مخطط بإذن الله, وأنهم يطمنوا عليا كل شوية ماشي عليه ولا . . .


قولوا ياااارب يوفقنا و يوفقكم , وكل واحد يعمل اللي هوا عاوزه , و الدنيا تبقى ربيع والجو يصير بديع و هييييه . . .

خير خير خير

محدش عارف الخير فين

كان معكم راجيا نجاح تخطيطه

فتوح أبو المفاتيح – مفكراً بعمق و استغراق

تاريخ 11/2/2008

في البيجوا أثناء سفري للزقازيق الساعة 10 صباحاً

هناك 4 تعليقات:

  1. انا الترم التانى بتاعى بدا من اسبوع
    وطنشته
    ورايحة السبت الجاى بعون الله
    اللى مضايقنى ان الدنيا برد اوى
    والكلية عالبحر
    وانا اساسا مش ببان من الارض
    فممكن اى نسمة هوا تطيرنى
    وبما انى برضة لبخت فى الامتحانات
    الا انى ان شاء الله حشد حيلى المرة دى
    ربنا معانا كلنا

    ردحذف
  2. شيمى هانم
    منورة البلوج بجد
    على فكرة أنا بعز جدا جدا جدا
    كل اللي اسمهم شيماء
    بس مش عارف ليه دايما
    بعمل معاهم دقات نقص
    بس بعتذر في الآخر
    ربنا يسامحني بقا
    ________________-
    نقطة كمان
    هوا ليه كل اللي اسمهم شيماء قصيرين ؟؟؟؟
    دا حاجة تبع الأسم ؟؟؟
    ___________________________

    أما عن كليتك اللي على البحر فدا شئ أحسدك عليه جدا
    جدا
    ويارب ربنا يوفقك في الترم التاني و يخليكي من الأوائل و الأبلة تخلي زمايلك في الفصل يسقفولك
    سلااااااموووون

    ردحذف
  3. It could function as an exceptional advertising device that could act as a magnetic to entice the fantastic chances in terms of fans, customers, consumers and also various other networking probabilities. buy usa facebook likes

    ردحذف

وخلي بالك من كلامك
حبيبي النبي بيقول:
"إن الرجل ليتكلم بالكلمة من رضوان الله ما كان يظن أن تبلغ ما بلغت ؛ يكتب الله له بها رضوانه إلى يوم يلقاه وإن الرجل ليتكلم بالكلمة من سخط الله كان يظن أن تبلغ ما بلغت ؛ يكتب الله له بها سخطه إلى يوم يلقاه".

إضغط على:
الاشتراك عن طريق البريد الإلكتروني
ليصلك بريد الكتروني عند قيام احد بالتعليق
وشكر

توضيح صغنووون خااالص


اقرأ و قول رأيك بحرية – عمري ما هزعل منك